pa wish naman ako
na sana
ikaw ang pinakamasaya
sa araw na ito
suot mo ang pinakamatingkad
bituin mo ang pinakamapalad
gumuhit sana ang ngiti
sayong mga labi
happiness para sayo
pa wish ako
hihiling ako para sayo
sana masalubong mo si angel locsin
hawakan nya ang kamay mo
pisilin hanggang dulo
sana makapag papicture kayo
kumaway kaway kasama ang tropa nyang lobo
sana magkaron ng milagro sa araw na to
pa wish ako
magrerequest ako
sana lahat ng makasalubong mo
biglang sasaludo
magbibigay pugay
o kaya biglaang sasayaw
tanda ng pagmamahal
o kaya pag galang
sana lahat ng taong mahalaga sayo
makasama mo sa araw na to
pa wish ako
magdadasal ako
sana maging paraiso
ang ngayo'y mundo mo
at sana mapunan na rin
lahat ng kulang sa buhay mo
sana lahat ng fantasies mo
maging totoo
pa wish ako
pabulong ako ng isang hiling
na sana habang binabasa mo to
maisip mong may isang taong
gustong tuparin
ang lahat ng kahilingan mo
hindi ko madadala si angel locsin
para hawakan ka,
o magbigay ng personal message sayo
pero andito ako
lagi kong hahawakan ang kamay mo
kapag takot ka
kapag may kidlat
kapag di ka makahinga
sa bawat patak ng luha mo
pupunasan ko,
sasaluhin para sayo
sa bawat pagtulo ng sipon mo
bibigyan kita ng tissue
kapag babahing ka
sasabayan ko ng "bless you"
kapag uutot ka
sasayaw ako
kapag malungkot ka
magpapanggap akong abnoy
sa paningin mo
hindi ko mauutusang sumaludo
lahat ng tao sa paligid mo
pero eto ako
dalawang kamay ko
nakataas sayo
ako ang number one fan mo
mapuno ko sana lahat ng empty spaces sa buhay mo
happy birthday
galing sa numero unong nagmamahal sayo
No comments:
Post a Comment