ako at ang pagbabalik tanaw.

kahapon sweet sweetan tayo
tipong tatakpan mo ang araw
para di ako masinagan
tipong babanggain mo lahat ng bus
sa tuwing trip kong dumaan
yung tipong bubuksan mo yung lupa
tapos biglang may mambubulaga
surpresa ang lahat ng mangyayari
walang clue

kahapon sweet sweetan tayo
mga tipong ngingiti ako
kahit korni ang mga jokes mo
susunod ako sa bawat galaw mo
para mo akong anino
yung bang tipong kapag pagod ka
ramdam ko din ang pagod mo
pag masaya ka naman
para akong nakajackpot sa lotto
ang mundong ginagalawan ko
mistulang isang paraiso

kahapon kasi sweet sweetan tayo
tipong HHWW tayo
may pa swing swing pa
bibo sa tuwing kakain
palaging nagpapapansin
yung bang parang kahit umaga
may mga stars na nakabitin
pag gabi parang laging sunrise
ganun tayo kahapon

siguro ganun talaga
kung gano kadami
ang mga maling nasasabi ko
at kung gano ka bongga
ang mga di kagandahang rhyme
sa mga tulang sinusulat ko
ganun din ang sinasabi
sa pagkatao ko.

laging di perfect
yan ako
tanggapin nating
pareho tayong di perpekto
wala tayo sa mundo ni amaya
walang green rose
walang screen
walang kamera
wala tayo sa pelikula
may pagkukulang ka
may pagkukulang ako
sabay nating punan yun

tapos promise
bukas
parang kahapon lang ulit

maiksi lang to

maiksi lang to
gusto ko lang sabihing
wala pa ring nagbago...
kung gano kita ka mahal
sa umpisa
ganun pa din hanggang
sa pangwalong buwan natin
hanggang sa huli
hanggang sa dulo
hanggang sa di na natin
matandaan ang buwan
ang araw,
hanggang sa makalimutan
na natin kung pano magbilang
hanggang malagas ang buhok mo
hanggang mabungi ako
tayo pa rin...
gaya ng dati.


namiss kita.

HAPPY 8th months.
mahal kita
ngayon
at bukas.


gaano ka ng ba kahalaga?


ganito.


nilabag ko ang batas ng kompanya...
nagbukas ako ng site,
mapangiti lang kita.