sumagot ako ng tatlong tanong...

kung tatanungin ka ng isang fairy godmother para sa isang kahilingan, ano naman ang makasaysayang hiling mo?

una, di ako naniniwala sa fairy god mother. pangalawa, hindi ako nabuhay sa panahon ni cinderella. pangatlo mababaw lang akong tao. wala akong masyadong kailangan. pero naniniwala ako sa bulalakaw. isipin ko na lang na nasa loob ng bawat nahuhulog ng bituin ang isang fairy godmother. pipikit ako, hihiling pa rin. hindi pera, bahay, kotse, mamahaling alak, kabuhayan showcase o exclusive contract sa star magic. ayoko ng fame, ayoko ng money. hihiling ako ng "love". pag ibig sa puso mo, pag-ibig sakin. naniniwala kasi ako na dito magsisimula ang maganda at masayang buhay ko. pag-ibig ang magtatayo sakin ng tatlong palapag na bahay, puting gate at isang simpleng sasakyan. sa pag-ibig din ako kukuha ng kapital para maitayo ang negosyong gusto ko. sa tulong ng pag-ibig na ibibigay mo din sakin. magpupursige tayo. ikaw ang laman ng bawat hiling ko.

kailan mo masasabing handa ka ng mamatay kasi nakuha mo na lahat ng gusto mo?

pwede na ngayon. pero wag muna. gusto ko munang bumuo ng madaming alaala kasama ka. kasama ng mga taong mahal mo, kasama ng mga taong mahal ko. kasi yun lang naman ang gusto ko...ang pangarap ko. ang mabuhay ng masaya kasama ng mga taong parte ng kaligayahang nararamdaman. pwede na ngayon. pero wag muna. ngayon pa lang kasi ako naging lubusang masaya.

kung may dying words ka, parinig naman. ano yun?

pamanyak naman. pwede ba, last na to. (haha). wala naman kasi akong ibang pwede pang sabihin. wala din akong testaments na ihahabilin. basta, mahal kita. mahal ko kayo. masaya ako sa naging paraiso ko. sa maiiwan ko, alagaan mo ang sarili mo. para sakin, para sa mga taong nagmamahal sayo at magmamahal pa sayo.






baby pansin ko lang lahat ng tanong mo pamatay. galit ka ba sakin? ang sweet mo

PROUD AKO SAYO

proud ako sayo
matalino ka
nakuha mo
lahat ng sagot
sa tanong ko

bakit ako nandito?
niluwa ka ng langit
ikaw ang sagot
nakilala kita
sumaya ako
bigla akong nagkavalue
dati kasi
lata ng sardinas
ang packaging ko
ngayon, spam na
biglang level up di ba?

ano silbi ko dito?
hinawakan mo kamay ko
ganun lang kasimple
tapos nakuha ko na
di ko na kailangang
mag-isip ng mag-isip
oo nga naman
kung wala ako
sinong magpapahid
ng sipon mo? (haha)

para saan ang mga tula ko?
binasa mo
ngumiti ka, nagblush
tapos nagkaron ng rush
eto na, inspiration
nasolve ko na yung bigating
equation
ikaw ang nawawalang parte
ng formula
ngayong nailagay na kita
yung tula ko
nagkaron na ng kulay at mukha

bakit natipak yung ngipin ko
sa bandang gilid?
lumapit ka sakin
sabi mo
"patingin nga?"
"kyut pa din naman ah"
bigla kong narealize
eto na ang biggest role ko
ako ang nakatakdang
maging source of entertainment mo


saka last
bakit ako masaya?








kasi andyan ka

ikaw na maging hangin

minsan lang gusto kong mafeel na buo ako. sa tuwing titingnan mo ko, o maaalala mo ang pangalan ko, hindi "kalahati" ang makikita ko sa mga mata mo. yung tipong kapag naiiyak ka, sapat na yung hawakan ko yung kamay mo. o kaya kindatan ka, para mapatawa ka. sapat na yung mga jokes ko para mapasaya ka. yung bang tipong kapag pakiramdam mo ang bigat bigat ng mundo, sapat ng isipin mong malakas ako...pwede mo saking ipasa yung pasan mo. kahit pa kasing bigat yan ng dalawang sakong bigas, o kahit pa durog na katawan ng pato, baboy, inahin, o aso pa ang laman ng bagahe mo...sapat ng isipin mong andito ko. gustong gustong tulungan kang magpasan ng kahit ano pang mabigat na dala dala mo. yung tipong, hahawakan ko lang ang dulo ng buhok mo, okay na ang araw mo. tipong aakapin lang kita, kinikilig ka na, tapos mapapasmile na kita. yung mga ganung tipo. kasi wala namang araw na hindi ko naisip na sa mga ganito kaliliit na gestures, maisasalba ko ang malungkot mong oras. dati ganun. confident ako..pakiramdam ko, ako ang nag-iisang taong makapagpangiti sayo kapag wala ka sa mood, makakapagpakalma kapag natetense ka, makakasolve ng daily crosswords mo. dati pa nga akala ko may magic ang mga mata ko, kasi kahit tingnan lang kita, kahit sobrang layo...ngingiti ka. hindi pala.

ngayon ko lang din naman naramdamang hindi ako parte ng equation. kanina nga gusto kong magmakaawa. isali mo naman ako. kahit i-substitute mo ako sa x. kahit sa ganung paraan, papayag naman ako. basta isali mo naman ako. kung di man makuha yung tamang solution. itry natin ng itry. gawin mo kong y, magminus tayo, magdevide, magsubstract. mag plus. basta isali mo ko. di tayo titigil hanggat di natin nasosolve ang problemang yan. wag lang ganito. pakiramdam ko di ako kasama sa mga plano mo, sa mga packages na narereceve mo, para lang akong pantali. nasa gilid, nasa ibabaw, pero wala sa loob.

dati kasi di naman ganito, pero kanina nung tinanong kita kong bakit ka umiiyak...
ganito ang sagot mo "pakiramdam mo walang nagmamahal sayo" eh ano pala ko? decoration? hangin?

di naman tama yun.

regular na tayo

regular na tayo
anim na buwan na
pero di tulad
sa karaniwang empleyado
di tayo allowed umabsent
baka mamiss kita
mamiss mo ko
o baka di ko kayanin
ang absences mo
ayoko din makarinig sayo ng reklamo
malay mo, magkabigayan pa tayo ng memo

regular na tayo
may anim na buwan na
wag na lang nating
gayahan ang iba
burahin natin ang tardiness
wag tayong masyadong maniwala
sa salitang "TIMELESS"
ayokong paghinatyin ka
at lalong ayokong
mag-abang hanggang mamuti ang mata
baka kasi masama ang maging resulta

regular na tayo
sa wakas anim na buwan na
wala akong maibibigay na
kung anu-anong prebilehiyo
wala kang HEALTHCARD
pero promise ko
tatanggalin natin lahat ng masakit
magiging masaya ka
bibigyan kita
ng mga di pangkaraniwang benepisyo
pwede kang umangal kapag pagod ka
magiging unlimited din ang BREAKTIME mo
at pangako, sakin di ka maaabuso


regular na tayo
at ipapaalala ko to sayo
hindi mo ako BOSS
at syempre di mo rin ako AMO
pero susundin ko parin
lahat ng rules mo
depende na lang din sayo
kung mag bebehave ka
wala kasi akong rules
kaya wala kang dapat ifollow
gusto ko lang mahalin mo ko

regular na nga tayo
wala pa ding nagbago
kaw pa rin ang ULTIMATE CRUSH ko