ni minsan hindi ako naging magaling sa pagbasa ng love. may pagkakataong kinakapos ako. may mga panahon namang nasosobrahan ko. akala ko dati sobrang simple lang.magsasabi lang ako ng i love you tapos hihintayin ko syang mag i love you too. ganun lang kadali. dati. kaya ilang beses din kaya akong nagkamali. mga lima, anim, pito o higit pa siguro sa sampu. ewan ko di ko na mabilang.
kaya naisip ko, komplikado nga talaga ang love. para lang to sa mga matatapang na tao. may taglay syang super power na hindi mo malalaman hanggat hindi mo hinahawakan. ilang beses ko tong tinangkang hawakan, tapos ilang beses din akong napaso. pero madaming beses din naman akong nag enjoy. sa dinami daming pagkakataong nahawakan ko to, ni minsan hindi ko na memorize kung sang parte ako masasaktan. o kung sang parte ako makakafeel ng happiness. ang hirap nyang basahin. ang hirap nyang kabisahin. kaya kung pa duwag duwag ka, pa iyak iyak lang, palabas labas ng dimples, pa relax relax lang tapos pa flirt flirt lang. wag na. di 'to para sayo.
ang alam ko lang. di sapat ang simpleng i love you. sabi ng iba, sapat na yun. pero sa totoong drama, hindi pa rin. hindi naman lahat ng nagsasabi ng i love you, nakakatanggap ng i love you too. hindi rin lahat ng mababasa o maririnig mo totoo, ang iba dyan kathang isip lang. at mas lalo namang hindi hihinto ang mundo kapag pareho na kayong nakapagbitaw ng i love you. pakyut kyut lang yun. ang totoo, patuloy kang tutuksuhin ng mundo hanggang sa mahilo ka. tapos malito. hanggang sa hindi ka na sigurado. pero may mga ilan din namang nanindigan. hindi naman lahat marupok. hindi naman lahat kagaya ko.
hindi ko din pwedeng sabihing nilalaro lang ang love. kasi kung laro lang ito, hindi iiyak ng todo yung mga natalo. kaya ni minsan hindi ko sinubukang laruin ang love at mas lalong hindi ko pinangarap maging manika o robot. kung mahal mo ang isang tao, ituring mo syang kakampi-wag lang basta kalaro. ingatan mo. ipakita mo yung mga susunod mong bara, ipahiram mo yung pinakamagara mong pamato, tapos ichismis mo kung anu ano yung mga bagay na magpapabagsak sayo sa laro. ituring mo syang kakampi. uulitin ko. kakampi-hindi kaaway.
basta ako simple lang ang concept ko ng love. para syang jelly ace. iba iba yung kulay. iba iba din yung packaging. iba iba yung hugis. pwede mo syang hati hatiin sa mga taong nasa paligid mo. pero yung paborito mong kulay ibibigay mo pa din sa taong laman ng lahat ng panaginip mo. yung pinakamaganda ang packaging? ititira mo pa din yun sa taong espesyal sayo. at yung hugis heart? para sa kanya pa din yun. kaya ngayon, hindi na siguro ako malilito. pwede akong mamahagi. pero ang ending neto. sayo pa din yung pinaka yummy. promise yan.
No comments:
Post a Comment